ಕಡಬ : ಜೀಪ್ ಒಂದು ನಿಯಂತ್ರಣ ತಪ್ಪಿ ಮಗುಚಿ ಬಿದ್ದು ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ನಡೆದಿದೆ.
ಸಾವನ್ನಪ್ಪಿದ ವ್ಯಕ್ತಿ ಧರ್ಮಪಾಲ ಎಂದು ತಿಳಿದು ಬಂದಿದೆ.
ಮೃತಪಟ್ಟ ವ್ಯಕ್ತಿಯ ಮಗ ದಿನೇಶ್ ಜೀಪ್ ಚಲಾಯಿಸುವಾಗ ಈ ಘಟನೆ ಸಂಭವಿಸಿ ತಂದೆಯೇ ಸಾವನ್ನಪ್ಪಿದ್ದಾರೆ.
ಪ್ರಕರಣದ ಸಾರಾಂಶ : ಪಿರ್ಯಾದಿದಾರರಾದ ನಾಗೇಶ್‌ ಪ್ರಾಯ 45 ವರ್ಷ ತಂದೆ : ಕೃಷ್ಣಪ್ಪ ಗೌಡ ವಾಸ: ಬಿಳಿನೆಲೆ ಬೈಲು ಮನೆ, ಬಿಳಿನೆಲೆ ಗ್ರಾಮ ನೆಟ್ಟಣ ಪೋಸ್ಟ್‌ ಕಡಬ ತಾಲೂಕು ಎಂಬವರ ದೂರಿನಂತೆ ದಿನಾಂಕ 07-08-2025 ರಂದು ಮನೆಯಲ್ಲಿದ್ದು ಮದ್ಯಾಹ್ನ ಸುಮಾರು 12-30 ಗಂಟೆಗೆ ಪಿರ್ಯಾದುದಾರರ ಮನೆಯ ಬಳಿ ಇರುವ ತೋಟದಲ್ಲಿ ಕೆಲಸ ಮಾಡುತ್ತಿರುವಾಗ ಪಿರ್ಯಾದುದಾರರ ತೋಟದ ಬಳಿ ಇರುವ ಕಚ್ಚಾ ಮಣ್ಣು ರಸ್ತೆಯಲ್ಲಿ ಪಿರ್ಯಾದುದಾರರ ನೆರೆ ಮನೆಯ ನಿವಾಸಿ ಧರ್ಮಪಾಲರವರ ಮಗ ದಿನೇಶ್ ಆತನ ಬಾಬ್ತು ಜೀಪನ್ನು ಚಲಾಯಿಸಿಕೊಂಡು ಅವರ ಮನೆಯ ಬಳಿಯ ಏರು ರಸ್ತೆಯಲ್ಲಿ ಜೀಪನ್ನು ಚಲಾಯಿಸಿಕೊಂಡು ಹೋಗುತ್ತಿದ್ದಾಗ ಜೀಪು ಹತ್ತದೇ ನಿಂತಿರುತ್ತದೆ. ಆಗ ಜೀಪಲ್ಲಿ ಇದ್ದ ಅವರ ತಂದೆ ಧರ್ಮಪಾಲ ರವರು ಜೀಪಿನಿಂದ ಇಳಿದು ಜೀಪ್ ನ ಹಿಂಬದಿ ರಸ್ತೆಯ ಬದಿಯಲ್ಲಿ ನಿಂತಿದ್ದರು. ಆಗ ಧರ್ಮಪಾಲರವರ ಮಗ ದಿನೇಶನು ಜೀಪನ್ನು ಒಮ್ಮೆಗೆ ಮೇಲಕ್ಕೆ ಹತ್ತಿಸುವರೇ ಪ್ರಯತ್ನಿಸಿದಾಗ ಜೀಪು ಮೇಲಕ್ಕೆ ಹೋಗದೇ ಇದ್ದುದರಿಂದ ಜೀಪನ್ನು ಅಜಾಗರೂಕತೆ ಹಾಗೂ ನಿರ್ಲಕ್ಷತನದಿಂದ ಒಮ್ಮೆಗೇ ಹಿಮ್ಮಖವಾಗಿ ಚಲಾಯಿಸಿದಾಗ ಜೀಪು ನಿಯಂತ್ರಣ ಕಳೆದುಕೊಂಡು ಹಿಂಬದಿ ರಸ್ತೆಯ ಬದಿಯಲ್ಲಿ ನಿಂತಿದ್ದ ಧರ್ಮಪಾಲರವರ ಮೇಲೆ ಮಗುಚಿ ಬಿದ್ದಿರುತ್ತದೆ. ಕೂಡಲೇ ಪಿರ್ಯಾದುದಾರರು ಹತ್ತಿರ ಬರುವಷ್ಟರಲ್ಲಿ ಘಟನೆ ನೋಡಿ ಹತ್ತಿರದ ಮನೆಯ ಅಶೋಕರವರು ಬಂದಿರುತ್ತಾನೆ. ಅಪಘಾತಪಡಿಸಿದ ಜೀಪ್ ನಂಬ್ರ ಕೆಎ- 19-ಎಂ-8745 ಆಗಿರುತ್ತದೆ. ವಿಷಯ ತಿಳಿದು ಅಲ್ಲಿಗೆ ಬಂದ ಸ್ಥಳೀಯರಾದ ಧನಂಜಯ, ಮತ್ತು ರಮೇಶ್ ವಾಲ್ತಾಜೆ ರವರು ಬಂದ ಬಳಿಕ ಜೀಪನ್ನು ಎತ್ತಿ ಧರ್ಮಪಾಲರವರನ್ನು ಚಿಕಿತ್ಸೆ ಬಗ್ಗೆ ಆಂಬುಲೆನ್ಸ್ ನಲ್ಲಿ ಕಡಬ ಸರಕಾರಿ ಆಸ್ಪತ್ರೆಗೆ ಧರ್ಮಪಾಲರವರ ಮಗ ದಿನೇಶ್‌ನು ಕರೆದುಕೊಂಡು ಹೋದಾಗ ಅಲ್ಲಿನ ವೈದ್ಯಾದಿಕಾರಿಯವರು ಪರೀಕ್ಷಿಸಿ ಮದ್ಯಾಹ್ನ 02-00 ಗಂಟೆಗೆ ಮೃತ ಪಟ್ಟಿರುವುದಾಗಿ ತಿಳಿಸಿರುವುದಾಗಿದೆ.
ಈ ಬಗ್ಗೆ ಕಡಬ ಪೊಲೀಸ್ ಠಾಣೆ ಅಪರಾಧ ಕ್ರಮಾಂಕ ಮತ್ತು ಕಲಂ54/2025 ಕಲಂ: 281,106 BNS-2023ಯಂತೆ ಪ್ರಕರಣ ದಾಖಲಾಗಿರುತ್ತದೆ
