Home Crime ಮಣಿಪಾಲ : ಬೈಕ್ ಸ್ಕಿಡ್ : ಸಹಸವಾರ ಮೃತ್ಯು…!!

ಮಣಿಪಾಲ : ಬೈಕ್ ಸ್ಕಿಡ್ : ಸಹಸವಾರ ಮೃತ್ಯು…!!

ಮಣಿಪಾಲ: ಉಡುಪಿ ಜಿಲ್ಲೆಯ ಮಣಿಪಾಲ ಸಮೀಪ ಬೈಕೊಂದು ಸ್ಕಿಡ್ ಆಗಿ ರಸ್ತೆಗೆ ಬಿದ್ದು‌ ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ನಡೆದಿದೆ.

ಮೃತಪಟ್ಟ ವ್ಯಕ್ತಿ ಬೊಮ್ಮು ಜಾನು ಬೊಡೇಕರ್‌ ಎಂದು ತಿಳಿದು ಬಂದಿದೆ.

ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಅಪಘಾತ ಪ್ರಕರಣ ದಾಖಲಾಗಿದೆ. ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ಪ್ರಕರಣ ಸಾರಾಂಶ : ದಿನಾಂಕ:26/06/2025 ರಂದು ಸಂಜೆ:5:30 ಗಂಟೆಗೆ ಉಡುಪಿ ತಾಲೂಕು ಹಿರೇಬೆಟ್ಟು ಗ್ರಾಮದ ಅಂಗಡಿಬೆಟ್ಟು ಎಂಬಲ್ಲಿ ಹಲೋ ಬ್ಲಾಕ್‌ ಪ್ಯಾಕ್ಟರಿಯ ಬಳಿ ಮಣಿಪಾಲದಿಂದ ಹಿರೇಬೆಟ್ಟು ಕಡೆಗೆ KA31ED4451 ನೇ ಮೋಟಾರ್‌ ಸೈಕಲ್‌ ಸವಾರನು ಅತೀ ವೇಗ ಹಾಗೂ ಅಜಾಗರೂಕತೆಯಿಂದ ತನ್ನ ಮೋಟಾರು ಸೈಕಲನ್ನು ರಸ್ತೆಯ ಮದ್ಯ ಭಾಗದಲ್ಲಿ ಚಲಾಯಿಸಿಕೊಂಡು ಬಂದು ಮೋಟಾರ್‌ ಸೈಕಲ್‌ ಸಮೇತ ಸ್ಕಿಡ್‌ ಆಗಿ ರಸ್ತೆಯಲ್ಲಿ ಬಿದ್ದಿದ್ದು ಪಿರ್ಯಾದಿದಾರ ಮಂಜುನಾಥ(30) ಆತ್ರಾಡಿ ಪೋಸ್ಟ್‌,& ಗ್ರಾಮ ಇವರು ಹೋಗಿ ನೋಡಲಾಗಿ ಸದ್ರಿ ಮೋಟಾರ್‌ ಸೈಕಲಿನಲ್ಲಿ ಸವಾರ ಹಾಗೂ ಸಹ ಸವಾರ ಇದ್ದಿದ್ದು ಅವರುಗಳಲ್ಲಿ ಒಬ್ಬನು ಡಾಮರು ರಸ್ತೆಯ ಮೇಲೆ ಬಿದ್ದಿದ್ದು ಇನ್ನೋರ್ವ ಮೋಟಾರ್‌ ಸೈಕಲ್‌ನ ಎದುರು ಭಾಗದ ಮಣ್ಣು ರಸ್ತೆಯಲ್ಲಿ ಬಿದ್ದಿರುತ್ತಾನೆ ಅವರುಗಳಲ್ಲಿ ಹಿಂಬದಿಯಲ್ಲಿ ಕೂತ ಸವಾರನಿಗೆ ತಲೆಗೆ ರಕ್ತ ಗಾಯವಾಗಿದ್ದ ಇನ್ನೋರ್ವನಿಗೆ ತರಚು ಗಾಯವಾಗಿರುತ್ತದೆ. ಸದ್ರಿಯವರು KMC ಮಣಿಪಾಲ ಆಸ್ಪತ್ರೆಗೆ ದಾಖಲಾಗಿದ್ದು ಹೆಚ್ಚಿನ ಚಿಕಿತ್ಸೆ ಬಗ್ಗೆ ಹುಬ್ಬಳಿಯ ಕಿಮ್ಸ್‌ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದು ಬೊಮ್ಮು ಜಾನು ಬೊಡೇಕರ್‌ ಎಂಬಾತನು ಚಿಕಿತ್ಸೆ ಫಲಕಾರಿಯಾಗದೇ ಈ ದಿನ ದಿನಾಂಕ 27/06/2025 ರಂದು 10:40 ಗಂಟೆಗೆ ಮೃತಪಟ್ಟಿರುವುದಾಗಿದೆ.

ಈ ಬಗ್ಗೆ ಮಣಿಪಾಲ ಠಾಣಾ ಅಪರಾಧ ಕ್ರಮಾಂಕ 110/2025 ಕಲಂ: 281, 106 BNS- ರಂತೆ ಪ್ರಕರಣ ದಾಖಲಿಸಲಾಗಿದೆ