ಉಡುಪಿ : ದಿನಾಂಕ.. 01/08/2025 ರಂದು ಶುಕ್ರವಾರ
ಕರ್ನಾಟಕ ರಕ್ಷಣಾ ವೇದಿಕೆ ಪ್ರವೀಣ್ ಶೆಟ್ಟಿ ಬಣದ ಉಡುಪಿ ಜಿಲ್ಲಾಧ್ಯಕ್ಷರಾದ ಸುಜಯ್ ಪೂಜಾರಿ ಹಾಗೂ ಜಿಲ್ಲಾ ಪದಾಧಿಕಾರಿ ಮತ್ತು ಜಿಲ್ಲಾ ಸದಸ್ಯರು ಉಡುಪಿ ಜಿಲ್ಲಾಧಿಕಾರಿ ಶ್ರೀಮತಿ ಸ್ವರೂಪ ಟಿ.ಕೆ ಅವರಿಗೆ ಮನವಿ ನೀಡಲಾಯಿತು. ನಂತರ ಜಿಲ್ಲೆಯ ಕೆಲವು ಸಮಸ್ಯೆಗಳನ್ನು ನಾವು ಈ ಮೂಲಕ ತಮ್ಮ ಗಮನಕ್ಕೆ ತರಲು ಬಯಸುವುದೇನೆಂದರೆ,
ರಾಷ್ಟ್ರೀಯ ಹೆದ್ದಾರಿ – 66ರ ಅಂಬುಲ್ಪಾಡಿ ಜಂಕ್ಷನ್ ರಸ್ತೆ ಸರ್ವಿಸ್ ರೋಡ್ ಮತ್ತು ಜಯಲಕ್ಷ್ಮಿ ಸ್ಟೋರ್ ಹಾಗೂ ಉಡುಪಿ ಜಿಲ್ಲೆಯ ತಾಲೂಕು ರಸ್ತೆ ಹೊಂಡ ನೀರು ತುಂಬಿ ನಡೆಯುತ್ತಿದ್ದು. ರಸ್ತೆಯ ತುಂಬಾ ಹೊಂಡ ಗುಂಡಿಗಳು ತುಂಬಿದ್ದು, ವಾಹನ ಚಲಾಯಿಸುವುದು ಅಸಾಧ್ಯವಾಗಿರುತ್ತದೆ. ಹೊಂಡ ಗುಂಡಿಗಳಲ್ಲಿ ಮಳೆಯ ನೀರು ತುಂಬಿ ಒಮ್ಮೆಲೆ ಬರುವ ವಾಹನಗಳು ಇಲ್ಲಿ ಬೀಳುತ್ತಿದ್ದು, ಅಪಘಾತಗಳು ಸಾಮಾನ್ಯವಾಗಿ ಹೋಗಿದೆ. ವಾಹನ ಚಾಲಕರು ಜೀವ ಭಯದಿಂದಲೇ ವಾಹನ ಚಲಾಯಿಸಬೇಕಾಗಿದೆ. ಪರಿಸ್ಥಿತಿ ಇಷ್ಟೊಂದು ಹದಗೆಟ್ಟಿದ್ದರೂ ಸಂಬಂಧಪಟ್ಟವರು ಯಾರೂ ಈ ಬಗ್ಗೆ ಗಮನಹರಿಸದೇ ಇರುವುದು ವಿಷಾದನೀಯವಾಗಿದೆ. ಅಧಿಕಾರಿ ವರ್ಗದವರು ಕಣ್ಣು ಮುಚ್ಚಿಕೊಂಡು ಇರುವಂತೆ ಭಾಸವಾಗುತ್ತಿದೆ. ತಾತ್ಕಾಲಿಕವಾಗಿಯೂ ತೇಪೆ ಹಾಕುವ ಕೆಲಸ ಆಗುತ್ತಿಲ್ಲ. ಕೇವಲ ರಾಜಕೀಯ ಗಣ್ಯ ವ್ಯಕ್ತಿಗಳು ಬಂದಾಗ ಮಾತ್ರ ಕಣ್ಣೆರೆಸುವ ರೀತಿಯಲ್ಲಿ ತೇಪೆ ಹಾಕುವ ಕೆಲಸ ಮಾಡಿ ಅವರು ಬಂದು ಹೋದ ನಂತರ ಯಥಾ ರೀತಿ ರಸ್ತೆ ದುಸ್ಥಿತಿಗೆ ಹೋಗುತ್ತಿದೆ. ರಸ್ತೆಯ ಬಗ್ಗೆ ಕೇಳುವವರು, ಹೇಳುವವರು ಯಾರೂ ಇಲ್ಲದಂತಾಗಿದೆ. ಅಲ್ಲದೆ ಉಡುಪಿಯ ಖಾಸಗಿ ಬಟ್ಟೆ ಅಂಗಡಿ ಬನ್ನಂಜೆ ಜಯಲಕ್ಷ್ಮೀ ಸ್ಟೋರ್ ನವರು ರಾಷ್ಟ್ರೀಯ ಹೆದ್ದಾರಿ ಎಂಬುದನ್ನು ಪರಿಗಣಿಸದೆ ತಮ್ಮ ಮಳಿಗೆಯ ಎದುರು ಯಾರ ಅನುಮತಿ ಇಲ್ಲದೆ ರಸ್ತೆಯ ವಿಭಾಜಕ ತೆಗೆದು ಹಾಕಿದ್ದು, ಇದರಿಂದ ಎರಡೂ ಕಡೆಯಿಂದ ಒಂದೇ ಸಮಯದಲ್ಲಿ ವಾಹನಗಳು ಎದುರಾಗಿ ಅಪಘಾತವಾಗುತ್ತಿದ್ದು, ಈಗಾಗಲೇ ಇಲ್ಲಿ ಒಂದು ಬಲಿಯಾಗಿದೆ. ಯಾವುದೇ ಖಾಸಗಿ ಸಂಸ್ಥೆಯವರು ಈ ರೀತಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ವಿಭಾಜಕವನ್ನು ಏಕಪಕ್ಷೀಯವಾಗಿ ತೆಗೆಯುವುದು ಅಪರಾಧವಾಗಿದ್ದು, ಕೂಡಲೇ ವಿಭಾಜಕಗಳನ್ನು ಹಾಕಿ ಅಪಘಾತಕ್ಕೆ ತಡೆ ಹಾಕದಿದ್ದಲ್ಲಿ ನಮ್ಮ ಕರ್ನಾಟಕ ರಕ್ಷಣಾ ವೇದಿಕೆ ಪ್ರವೀಣ್ ಶೆಟ್ಟಿ ಬಣದ ಮೂಲಕ ಮುಂದಿನ ದಿನದಲ್ಲಿ ನಾವು ಈ ಬಗ್ಗೆ ಪ್ರತಿಭಟನೆ ಮಾಡಬೇಕಾಗಬಹುದೆಂದು ಈ ಮೂಲಕ ಎಚ್ಚರಿಕೆ ನೀಡುತ್ತಿದ್ದೇವೆ.
ಈ ಸಂದರ್ಭದಲ್ಲಿ ಜಿಲ್ಲಾಧ್ಯಕ್ಷರಾದ ಸುಜಯ್ ಪೂಜಾರಿ. ಜಿಲ್ಲಾ ಪ್ರಧಾನ ಕಾರ್ಯದರ್ಶಿಯಾದ ವಿಜಯ್ ಪೂಜಾರಿ. ಸಲಹೆಗಾರರು ಜಯಪ್ರಕಾಶ್ ಶೆಟ್ಟಿ. ಜಿಲ್ಲಾ ಸದಸ್ಯರಾದ ನಾಗರಾಜ್. ಸುನಿಲ್ ಕುಮಾರ್. ರಾಘ ಪೂಜಾರಿ ಕಕ್ಕುಂಜೆ. ನವಾಜ್. .ಯಶಸ್ ಮಾಷೂಕ್. ವರ್ಣಿತ್.ಫಾಹಿಮ್ ಮನೀಶ್ ಇವರೆಲ್ಲರೂ ಉಪಸ್ಥಿತರಿದ್ದರು.
