ಬೆಂಗಳೂರು: ಗ್ರಾಮಾಂತರ ಜಿಲ್ಲೆಯ ನೆಲಮಂಗಲ ತಾಲ್ಲೂಕಿನ ದಾಬಸ್ಪೇಟೆಯಲ್ಲಿ ವಿಚಿತ್ರ ಘಟನೆಯೊಂದು ನಡೆದಿದ್ದು, ಇಬ್ಬರು ಮಕ್ಕಳ ತಾಯಿ ಪ್ರಿಯಕರನ ಜೊತೆ ಮನೆ ಬಿಟ್ಟು ತೆರಳಿರುವ ಘಟನೆ ಕುಟುಂಬದಲ್ಲಿ ಆತಂಕ ಮೂಡಿಸಿದೆ.
ಮಂಜುಳಾ ಅವರು ತಮ್ಮ ಮಗಳು ಮೋನಿಕಾಳನ್ನು ತಮ್ಮ ಸಹೋದರನಿಗೆ ಮದುವೆ ಮಾಡಿಕೊಟ್ಟಿದ್ದರು. ದಂಪತಿಗೆ ಇಬ್ಬರು ಮಕ್ಕಳಿದ್ದು, ಕುಟುಂಬ ಸುಖವಾಗಿಯೇ ಸಾಗುತ್ತಿತ್ತು ಎನ್ನಲಾಗಿದೆ. ಆದರೆ ಇದೇ ವೇಳೆ ಮೋನಿಕಾ ಹಾಗೂ ಹನುಮಂತ ಎಂಬ ವ್ಯಕ್ತಿಯ ನಡುವೆ ಸ್ನೇಹ ಪ್ರೇಮಕ್ಕೆ ತಿರುಗಿದೆಯಂತೆ.
ಮಗಳ ವರ್ತನೆ ಗಮನಿಸಿದ ತಾಯಿ ಮಂಜುಳಾ ಹಲವು ಬಾರಿ ಬುದ್ಧಿ ಹೇಳಿದರೂ ಮೋನಿಕಾ ಕೇಳಲಿಲ್ಲ ಎಂದು ಕುಟುಂಬದವರು ಆರೋಪಿಸಿದ್ದಾರೆ.
ಘಟನೆ ನಡೆದ ದಿನ ತಾಯಿ-ಮಗಳು ಇಬ್ಬರೂ ರೇಷನ್ ತರಲು ಹೋಗಿದ್ದರಂತೆ. ಈ ವೇಳೆ “ಕೂಲ್ ಡ್ರಿಂಕ್ಸ್ ತೆಗೆದುಕೊಂಡು ಬರುತ್ತೀನಿ” ಎಂದು ಹೇಳಿ ಹೊರಟ ಮೋನಿಕಾ, ಬಳಿಕ ಹನುಮಂತನ ಜೊತೆ ಪರಾರಿಯಾಗಿದ್ದಾಳೆ ಎಂದು ತಿಳಿದುಬಂದಿದೆ.
ಇದೀಗ ಮನೆಯಲ್ಲಿರುವ ಇಬ್ಬರು ಮಕ್ಕಳು ತಾಯಿಯನ್ನು ಕೇಳುತ್ತಾ ಅಳುತ್ತಿದ್ದು, ಅವರನ್ನು ಸಮಾಧಾನಪಡಿಸಲು ಅಜ್ಜಿ ಮಂಜುಳಾ ಪರದಾಡುತ್ತಿದ್ದಾರೆ ಎನ್ನಲಾಗಿದೆ. “ಅಮ್ಮ ಯಾವಾಗ ಬರುತ್ತಾಳೆ” ಎಂದು ಮಕ್ಕಳು ಕೇಳುತ್ತಿದ್ದು, ಕುಟುಂಬದವರ ನೋವು ಹೆಚ್ಚಾಗಿದೆ.
ಈ ಘಟನೆ ಸ್ಥಳೀಯರಲ್ಲಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ.
