ಶಂಕರನಾರಾಯಣ, ಮಾರ್ಚ್ 24:ಶಂಕರನಾರಾಯಣ ಪೊಲೀಸ್ ಠಾಣಾ ವ್ಯಾಪ್ತಿಯ ಹೆಂಗವಳ್ಳಿ ಗ್ರಾಮದ ತೊಂಬತ್ತು ಶಾಲಿಗುಡ್ಡೆ ಪ್ರದೇಶದಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದ ಮಹಿಳೆಯನ್ನು ಪೊಲೀಸರು ಪತ್ತೆಹಚ್ಚಿದ್ದಾರೆ.
ದಿನಾಂಕ 24/03/2026 ರಂದು ಪೊಲೀಸ್ ಉಪನಿರೀಕ್ಷಕಿ (ತನಿಖೆ) ಅಕ್ಷಯ ಕುಮಾರಿ ಎಸ್.ಎನ್. ಅವರಿಗೆ ಬಂದ ಖಚಿತ ಮಾಹಿತಿಯ ಮೇರೆಗೆ ಸ್ಥಳಕ್ಕೆ ದಾಳಿ ನಡೆಸಲಾಯಿತು. ದಾಳಿಯ ವೇಳೆ ಓರ್ವ ಮಹಿಳೆ ರಟ್ಟಿನ ಬಾಕ್ಸ್ನೊಂದಿಗೆ ಗ್ರಾಹಕರಿಗಾಗಿ ಕಾಯುತ್ತಿರುವುದು ಕಂಡುಬಂದಿತು.
ಪರಿಶೀಲನೆ ವೇಳೆ ಬಾಕ್ಸ್ನೊಳಗೆ “Original Choice” ಎಂಬ ಹೆಸರಿನ 90 ML ಸಾಮರ್ಥ್ಯದ 41 ಟೆಟ್ರಾ ಪ್ಯಾಕೆಟ್ಗಳು ಪತ್ತೆಯಾದವು. ಪ್ರತಿ ಪ್ಯಾಕೆಟ್ ಬೆಲೆ ₹50 ಇದ್ದು, ಒಟ್ಟು ಮೌಲ್ಯ ₹2050 ಆಗಿದೆ. ಒಟ್ಟು ಮದ್ಯದ ಪ್ರಮಾಣ ಸುಮಾರು 3.69 ಲೀಟರ್ ಆಗಿದೆ.
ಆರೋಪಿಯನ್ನು ರೇವತಿ ಶೆಡ್ತಿ (42), ತೊಂಬತ್ತು, ಹೆಂಗವಳ್ಳಿ ಗ್ರಾಮ ಎಂದು ಗುರುತಿಸಲಾಗಿದ್ದು, ಮದ್ಯ ಮಾರಾಟಕ್ಕೆ ಸಂಬಂಧಿಸಿದ ಯಾವುದೇ ಪರವಾನಿಗೆ ಇಲ್ಲದಿರುವುದು ದೃಢಪಟ್ಟಿದೆ.
ಪೊಲೀಸರು ಮದ್ಯವನ್ನು ಸ್ವಾಧೀನಪಡಿಸಿಕೊಂಡು, ಆರೋಪಿಯ ವಿರುದ್ಧ ಶಂಕರನಾರಾಯಣ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 20/2026 ಅಡಿಯಲ್ಲಿ ಕರ್ನಾಟಕ ಅಬಕಾರಿ ಕಾಯ್ದೆಯ ಕಲಂ 32 ಮತ್ತು 34ರಂತೆ ಪ್ರಕರಣ ದಾಖಲಿಸಿದ್ದಾರೆ.
